एउटै बाटो सँधै भेटघाट / Eutai Bato Sadhai

➤ Singer – Deep Shrestha
➤ Music – Deep Shrestha
➤ Lyrics – Raman Ghimire

एउटै बाटो सँधै भेटघाट भइरहँदा
मुस्कानहरू साटिएछन् देखिरहँदा
कुन बिन्दुमा मन खुले पत्तै भएन
कसले राख्यो पहिलो प्रस्ताव थाहै भएन

कहिले घुइँचो कहिले हल्ला कहिले एकान्त
कहिले खुशी कहिले सुर्ता कहिले अशान्त
बाँड्दा बाँड्दै एक अर्कामा संकोच रहेन
यस्तै गरि कहाँ मिल्यौँ थाहै भएन

भिडले एक्लो पार्दा पार्दै नजिक भएछौँ
सायद बिश्वास खोज्दा खोज्दै आफ्नो भएछौँ
तिमीसित भेटेपछि पिरै रहेन
कति छिटो खुशी झुले थाहै भएन